Қалалық ғылыми-әдістемелік Орталығының ұйымдастыруымен Қазақстан Республикасының еңбек сіңірген мұғалімі Қ.Бітібаева атындағы қазақ тілі мен әдебиеті пәнінен республикалық олимпиаданың қалалық кезеңі өтті. Олимпиада 2 айналымда өткізілді.

8-наурыз мерекесі қарсаңында "Геолог" мəдениет Үйінде бірінші және даярлық класс оқушылары арасында "Маленькая леди" атты қыздар байқауы өтті. Байқауға 1 «Ə» класс оқушысы Дайрабаева Перизат және 1 «Б» класс оқушысы Қуаныш Айару қатысып, өз өнерлерін көрсетті. Қуаныш Айару алғыс хатпен марапатталса, Дайрабаева Перизат жүлделі ІІІ орынға ие болды. Құттықтаймыз!

8-наурыз «Халықаралық Әйелдер мерекесі» қарсаңында 8-11 класс оқушылары  арасында «Мектеп  аруы - 2019» байқауы өтті. Мақсаты: мектептегі ару қыздардың өнері мен білімін сарапқа салып, қыз бала тәрбиесіне ерекше мән беру. Байқауға қатысқан қыздарымыз өз өнерлерін ортаға салды. «Мен қазақтың қызымын» өзін-өзі таныстыру, «Өнерге әркімнің-ақ бар таласы» өз өнері сайысында көрермендерге ән айтып, би билесе, «Салт – дәстүрді білесің бе?» атты сұрақ-жауап кезеңінде қазақтың салт-дәстүрі мен әдет-ғұрпына қатысты танымдық сұрақтарға жауап берді. Сонымен бірге ас мәзірі, әртістік қабілетін байқау және сән үлгісі шарттары бойынша сынға түсіп, бар өнерлерін ортаға салды. Қыздарымыз өздерінің барлық жақсы жақтары мен өнерлерін көрсетіп «ару» деген атқа лайық екендерін тағы бір дәлелдеді. Нәтижесінде әділ қазылар алқасының шешімімен бас жүлде «Мектеп аруы - 2019» атағын 11 класс оқушысы Русланқызы Ақбаян жеңіп алды.

4-ші наурыз күні Пригород орта мектебінде 5-7 класс оқушылары арасында мектеп аруы- 2019 сайысы өтті. Сайысқа мектептің 5-7 сынып қыздары қатысты. Сайыс 5 кезеңнен тұрды.

Пригород орта мектебі 1-наурыз «Алғыс күні» мейрамы қарсаңында қамқоршылық кеңес мүшелері және ата-аналармен біріге отырып үйде оқытылатын балаларға көмек көрсетті.

Алғыс айта білеміз бе? Пригород орта мектебінде 1-наурыз «Алғыс айту күніне» ұйымдастырылған құттықтау бұрыштары.